ثورتنا عندها أسرار كبيرة...
ثمة إلي فرح معانا وثمة إلي ضربتو الغيرة...
الشعب التونسي أثبت للعالم إلي موش أمة صغيرة...
إلي عندو حاجات في مخو أقوى من قناة الجزيرة...
وإلي موش كيما قبل ما تشغل بالو كان تكويرة...
وشكون ربح البطولة وشكون فاز بالأميرة...
اليوم صدرنا للعالم الثورة ضد الأنظمة والأفكار "الشريرة"...
وعطينا درس الحرية للطبقات المستضعفة والفقيرة
واليوم على الأنترنات وريناهم حاجات مثيرة...
بعد ما ربي رحمنا بأمطار غزيرة...
وفي كياساتنا غطسنا وعملنا تبحيرة...
جينا في الفايسبوك وعملنا تنبيرة...
على أمريكا كي خرجت مظاهرة ومسيرة...
اوباما مسكين قعد في حيرة...
والشعب التونسي عملو تكركيرة
أرتور بعد ما جاب فيها يفدلك بكلماتو "الخطيرة"...
فرحنا بيه في بروفيلو وقامت عليه حرب وڤيرة...
وفكرناه بأصولو ومواقفو الحقيرة...
والشعب التونسي عملو تكركيرة
سركوزي وبرلسكوني ما سلموش من تفريكة وتنبيرة...
والشعب التونسي ماعادش يهمو لا "ري" ولا "موجيرة"...
كي تصب عنا المطر الناس والعالم الكل يولي تكركيرة
وائل العامري
ليست هناك تعليقات:
إرسال تعليق